Arşîv

Yekemîn komxebata jinên Sûriyeyê 5’ê Cotmehê ye

Meclisa Jinên Sûriyeyê bi armanca gotûbêjkirina rewşa jinên Sûriyeyê û bicihanîna daxwazên mafên jinan û mafê wan di amadekirina destûreke nû de, amadekariyên lidarxistina komxebata danûstandinê dike.
 Meclisa Jinên Sûriyeyê bi armnaca gotûbêjkirina mafên ku jinên Sûriyeyê bang dikin, pirsgirêkên ku rastî wê tên beriya aloziyê û piştre jî û beşdarbûna wê di amadekirina destûra Sûriyeyê ya nû de, dê di 5`ê Cotmehê de komxebateke danûstandinê li bajarê Kobanê li ser asta Sûriyeyê li dar bixe.

Têkildarî amadekariyên komxebata danûstandinê berdevka Meclisa Jinên Sûriyeyê Lîna Bereket ji ajansa me re axivî û ev tişt anî ziman: “Piştî derbasbûna nêzî 8 salan di ser aloziya Sûriyeyê re û hewldanên çareseriyê yên ku Sûriye xistin nav bablîsoka şer. Wan hêzan nekarî çareseriyeke guncaw û aştiyane ku gelê Sûriyeyê ji aloziyê rizgar bikin, bibînin.” Her wiha Lîna destnîşan kir ku yên herî zêde bûn qurbaniyên koçberbûn û tundiyê, jin bûn.

Di berdewama gotinên xwe de Lîna tekez kir ku ew wek Meclisa Jinên Sûriyeyê jinan diparêzin, banga mafên wê dikin û hewl didin civakeke azad û demokratîk ku wekheviya zayendê diparêze, ava bikin. Her wiha Lîna diyar kir ku ji bo jin bigihîjin rola xwe ya pêşeng û da ku di çareseriya Sûriyeyê de roleke girîng bilîze, ew dixebitin.

Têkildarî mijara komxebata danûstandinê berdevka Meclisa Jinên Sûriyeyê Lîna Bereket wiha got: “Bi armanca nîqaşkirina mafên jinan û pirsgirêkên ku rastî wê tê, em amadekariya lidarxistina yekemîn komxebatekî danûstandinê bi hiqûqnas û çalakvanên jin ên Sûriyeyê li ser asta Sûriyeyê dikin.”

200 vexwendname ji hiqûqnas û çalakvanên jin re hatine şandin

Lîna Bereket tekez kir ku wan vexwendnameyên beşdarbûna komxebatê ji zêdetirî 200 hiqûqnas û çalakvanên jin re şandine û ev tişt bi lêv kir: “Tê payîn ku gelek jin ji berava Sûriyeyê, Şam, Dera, El-Siweyda, Hims, Heleb, Hema û ji herêmên bakur û rohilatê Sûriyeyê tev li komxebatê bibin.”

Di dawiyê de Lîne Berekat tekez kir ku lidarketina komxebatê li Sûriyeyê, roleke wê ya mezin heye. Ji ber ku ew jin koçber nebûn û ji ber aloziyê gelek zehmetî kişandin û wiha pê de çû: “Ji ber wê barê me giran e. Divê em bi zanabûn di vê pêngavê de bi erk û berpirsyariyên xwe li hemberî jinên koçber, penaber û yên ku hatine tacîzkirin, bin.”

(ANHA)

Back to top button

Warning: Undefined array key "sessionIdVal" in /home/kongrastar/public_html/wp-content/themes/jannah/footer.php on line 27