Ji despêka şoreşa Rojavayê Kurdistanê û avakirina statuya xweseriya demokiratîk êrîşên dewleta Tirk nehatiye rawestandin , heya vê kêliyê êrîşên wan berdewam dike , her car bi awayê armancgirtina hemwelatiyên herêmê , hemwelatiyên ku dibin pêşengên pirojeya rêveberiya xweser diki hedefa êrîşên xwe . her kes vê polîtîkaya dewleta Tirk ya dagirkeriyê , ya qirkirin û desteserkirinê dizane , ev êrîş jî her li ber çavên dunyayê tê kirin , lê mixabin dema êrîş li ser gelê kurd û pirojeya wan pêk tên saziyên mafên mirovan û dewletên navnetewî lal dibin . lê eger zindiyek li cîhan birîndar dibe her kes doza mafê wê zindiyê dike dike .
Her wiha ji ber bêdengiya navnetewî li hember kiryarên di der heqê gelê kurd û pirojeyan me de dibe , mînaka bûyera armacgirtina Apê yûsif Gulo û neviyên wî , her carekê jî li cihekî din ev bûyer dûbere dibin weke bûyera îro li Şengalê rûda û di encamê wê de hevserokê desteya Rêveberiya xweser ya Şengalê di saetên vê sibê de roja sêşem ê di dîroka 07.12.2021 şehîd bû , helbetê vedigere sedemên paşguhkirina dewletên navnetwî ji kiryarên ku dewleta Tirk dike .
Gelên êzîdxanê yên ku bi biryara xwe birêve bibin û êdî li hember qirkirinekê din xwe biparêzin rêveriya xwe ya xweser, artêşa xwe û asayîşa xwe avakirin , îro dîsa li hember qirkirina pirojeyên xwe rû bi rû tên .
Eger îro ev êrîş di kesayeta ş.Merwan Bedel xwedêda de hat kirin , tê wateya ku dewleta Tirk pirojeya rêveberiya xweser qebûl nakin û bi her awayî metirsiyan jiyan dikin ku fikirekî demokrat belav bibe û tevahî gelên azadîxwaz jî pêşengtiyê jê re bikin , êdî bi van êrîşan dixwazin tirsê di dilê gel de bidin avakirin û jijiyanekî ji nû ve bi koledariyê dibin rehma PDK ê de bihêlin .
Em weke rêxistina kongra star êrîşa dewleta Tirk li ser Şengalê û armancgirtina hevserokê desteya rêveber ya Şengalê Merwan Bedel xwedêda şermezar dikin , her wiha em hikûmeta başûrê Kurdistanê û dewleta iraqê jî şermezar dikin ku ezmanê wê vekiriye û di nava xwe bargehên dewleta Tirk dihewîne û bi temamî li beramber van kiryaran di nava bêdengiyê de ye.
Dîsa em dibêjin şehadeta pêşengan îsrar û hêza me ji bo tolhildan û serxistina pirojeya rêveberiya xweser xurtir dike.
Şehîd namirin .
Sersaxî ji malbata Ş. Merwan Bedel xwedêda û tevahiya gelên êzîdxanê .
Kordînasyona kongra star.
Dîrok : 07.12.2021.
