Îro 5 ê nîsana 2022′ an li bajarê qamişlo ji aliyê komîteya amadekar ve çalakiyeke girseyî li ser asta herêma cizîrê bi awayekî navendî hat li darxistin meş bi tevlîbûna tevahî sazî û desteyên civakî û leşkerî herikîn kolanên Qamişlo meş bi sloganên û kelecana serkeftinê a kurdistaniyan êrîşê xiyanetê hejand û bi kîn û hêrsa dilê dayikên şehîd û gerîla tevlîbûn ji meşa rûmetê re çêkirin meş ji ber çerxereya Osman Sebrî heya bi Stadoma 12 ê adarê di hundur meşê de al û wêneyên rêbertî û gerîlayan hebûn dayikên kezeb şewitî wêneyên zarokên xweyî şehîd û pêlavên gerîla hilgirtibûn ,ji cîhanê re dan nîşandan ku ewê ji hef salî heya bi heftê salî li ser xeta şehîd û gerîlayê xwe bimeşin û wê li qadan bin heya ku ev şer raweste .
Wek tê zanîn ji destpêkirina vî şerî li hember tevgera azadiyê ticaran gel serî netewand herdem kurdistanî li hundirê welêt û derve di seferberiyê de ne û dibêjin na ji qirkirinê re.wê gelê kurd li ser erdnîgariya Mezopotamya, Bakur û Rojhilatê Sûriyê nehêlin ev lihevkirin û komplo biser kevin. Herdem gel jibo rûmeta xwe têkoşiya rê neda ku xiyanetên ji berê yên di salên 90`î de pêk hatine ku hey îro berdewam e , bi ser kevin.jiber ku her çendî xiyanet xwe dide pêş ewqas berxwedanî ,rûmet,wijdan xwe daye pêş û her çendç bi pêşkêş kirina berdêlên gelek giran buha hatibin dayîn lê ticar xiyanet bi ser neketiye û wê bi ser nekeve .
Herwiha li rewestgeha meşê de ji aliyê endama partiya yekîtiya demokratîk PYDê ve Foza Yusif axaftinek hat kirin û xîtabî berxwedanî û rûmeta gelê serhildêr kir ku ev xiyanet û dagirkerî ji sedê salan ve bi ser gelê me de tê meşandin lê vî gelî bi vîn û îradeya xwe li berxweda û serî netewand .
Foza bang li gelê Kurd û partiyan kir ku helwestên xwe li hember êrişan nîşan bidin û bang li rayedarên PDK`ê kir û got: “Êdî bes e ku dijminên gelê Kurd kurda bi kurdan dide qetilkirin . Êdî bes e ku em rê didin ji êrîş û qirkirina, revandin û dest avêtina jin ciwan û rûmeta gelê me . Îro roja yekitî û rûmetê ye. Êdî bila şerê di navbera kurdan bi dawî bibe. ”
Her wiha Foza bang li pêşmergeyan kir ku di van êrişan de cih negirin û got: “Pêşmerge mîna gerîla ne, e wan jî ji bo kurdistanê canê xwe feda kirine . ger dengê xwe bilind bikin, wê nehêlin ev qirkirin bi ser bikeve. Divê partiyên Başûrê Kurdistanê, dengê xwe li dijî hukmeta Iraqê bilind bikin . bila vê baş bizanibin ger Amed bikeve, wê Hewlêr û Qamişlo jî bikevin. Hemû di ber vê rewşê de berpirsyar in. Divê kesek bi çarenûsa gelê me nelîze.”
Di dawiyê de Foza Yusif soza berdewamkirina berxwedanê da û got heya têkbirina êrişên qirkirinê emê têbikoşin û got emê bi ser bikevin ,û “Em nahêlin ev hevkarî û tifaq bi ser kevin. Em ê li ser xeta Rêbertî, gel û gerîlayên xwe bimeşin , jibo şeref û rûmetê li ber xwe bidin. Divê em baş bidin fêm kirin ku gelê kurd ê ku ji fikir û felsefeya Rêbertî xwe ava kiriye ew ticar serî natewîne û xiyanetan qebûl nake wê herdem di rêya azadiyê de û li ser şopaşehîdên xwe bimeşe.”
