ÇalakîNûçe

li Helebê yekemîn xebata kongrê ya meclisa jin a partiya PYDê tê li darxistin

Xebatên yekemîn kongreya Meclisa Jinan a Partiya Yekîtiya Demokratîk li bajarê Helebê bi nîşandana sînevizyon û nirxandina rewşa siyasî ji aliyê beşdarên kongrê ve didome.

Di konferansê de li ser navê Meclisa Malbatên Şehîdan “Awaş Çawîş”, li ser navê Kongra Star “Nîrkez Bekir” axaftin hatin kirin û axaftvanan kongrê li Rêberê mirovahiyê Rêber Abdullah Ocalan pîroz kirin. Şervanên jin ên ku ji bo vejîna civaka azad, demokratîk û hêzên gerîla yên li Herêmên Parastinê yên Medyayê xwe feda kirine û diyar kirin ku lidarxistina kongrê ji bo hemû jinên ku bi nêzîkatiya rêberê xwe bawer dikin û têkoşîna xwe didomînin serkeftinek e.

Di berdewamiya gotinan de wiha hat gotin: “Jinên di salên şer de di şoreşa Bakur û Rojhilatê Sûriyê de bi keda xwe li gorî rêgezên Rêber Abdullah Ocalan ku her tim daxwaza mafên jinan dikir û azadiya wê diparast, karîbûn xwe îspat bikin û xwe bi rêxistin bikin. da ku wan ji sînorên civakê û zîhniyeta desthilatdar a zilam rizgar bike.

Tekez kir ku Partiya Yekîtiya Demokratîk weke partiya şehîdan tê naskirin ku canê xwe ji bo doza xwe û azadiya xwe feda kirine û jinan di kesayeta şehîd Şîlan Kobanî û rêhevalên wê de ku karîn bibin ronahiyek di nava partiyê de roleke wan a sereke  hebû. ji bo ku bigihêjin azadiya tê xwestin ku gel lê digere, li ser rêya  wan têkoşînê were mînak girtin.

Piştî axaftinan sînevîzyonek li ser talîmata Rêber Abdullah Ocalan a ji bo jina azad, berxwedêr a ku dixwaze xwe îspat bike û îkoneya têkoşînê bi nîşaneya xwe xêz bike, hate pêşandan.

Di kongrê de, gelek peyamên pîrozbahiyê ji partiyên siyasî, hêzên leşkerî û meclîsên sivîl hatin û pîrozbahiyê li Meclîsa Jinan kirin bi boneya lidarxistina yekemîn kongreya xwe li bajarê Helebê û hêviya pêşketin, serkeftin û jiyanek azad û demokratîk ku  azadî û aştiyê jin tê de şad bibin.

Nivîsîngeh hate avakirin û ji rêvebera parêzgehên Efrîn û Şehba ya Partiya Yekîtiya Demokratîk Valentîna Abdo, Berdevka Meclîsa Giştî ya Jinan a partiyê Zehra Samo û Berdevka Meclîsa Jinan a Helebê Tanya Mihemed Elî pêk tê.

Piştre rapora Meclîsa Jinan a partiyê ku ji bo nirxandina rewşa siyasî, rewşa jinan û rewşa rêxistinî ji bo yekemîn kongrê a du salan a li Helebê hatibû pêşkêşkirin, ji aliyê jina ciwan a partiyê  Ronahî yusif ve hat xwendin .

Piştî xwendina raporê, rêya nîqaş ji bo beşdarên kongrê hat vekirin û li ser rewşa siyasî û rewşa jinê ya di nava civakê de nîqaş hatin kirin ev aliyê bi berdewamkirina têkoşînê û teqlîdkirina fikir û nêzîkatiya Rêbertî tê derbas kirin.

“Zehra Samou” rewşa siyasî ya li qada cîhanê û rewşa jinê di warê siyasî û dîplomatîk de nirxand û destnîşan kir ku divê jin bibe bersiva hemû polîtîkayan û bibe cihê biryara jinên siyasî yên demokratîk û piştgiriya xwe ya ji bo gerîla berdewam bike. hêzên li herêmên parastina rewa û li hemberî dagirkeriya Tirk ji bo rizgarkirina Efrînê û hemû herêmên dagirkirî rawestin.

Back to top button