Li Qamişlo pêşangeha tabloyên ku êşa jinan vedibêjin

Bi piştgiriya Hêzên Kurdî “Rojava”, îro pêşangeheke şêwekariyê ya şêwekar Nûr Şêxo li Navenda Çand û Hunerê ya Mihemed Şêxo ya Qamişlo vebû. Di pêşangehê de bi dehan tabloyên ku rewşa jinan û xwezaya Kurdistanê vedibêjin, tên pêşandan.

Di merasîma vekirina pêşangehê de, endamên Hêzên Kurdî “Rojava” û gelek hunermend û hunerhezên herêma Cizîrê amade bûn.

Pêşangeh ji aliyê dayika şehîd Şêro Amûdê ve ku di hemleya rizgarkirina Minbicê ya sala 2016`an de şehîd bû Nûrî Elî ve hate vekirin.

Di pêşangehê de 38 tablo hene û êşa jinan a ji ber zilm û zordestiyê, bendewariya dayikan ji zarokên xwe re yên di girtîgehên rejîmê de bêyî ku çarenûsa wan nas bikin, çawaniya parastina jinan ji çanda xwe re û xwezaya Kurdistanê ya dewlemend vedibêjin.

Tê payîn ku pêşangeh heta 5`ê Îlonê (sibê) dewam bike.