Kongreya Star navendeke xwe li gundê Mînaz ê Kobanê vekir

Kongreya Star navendeke xwe li gundê Mînaz ê 3 km li rojavayê bajarê Kobanê dikeve, bi merasîmekê ku tê de bi dehan endamên xwe û saziyên herêmî û jinên gund amade bûn, vekir.

Navend bi navê şehîd Peyman Dogan (Zehra Mihemed) hat binavkirin. Dê li wir çalakiyên Kongreya Star ên der barê birêxistinkirina jinan û çareserkirina dozên wan de werin lidarxistin.

Merasîma vekirinê bi axaftina rêvebera Kongreya Star Edlê Bekir dest pê kir. Edlê vekirina navendê pîroz kir û wiha got: “Bi rêya vê navendê em ê karibin pirsgirêkên xwe çareser bikin. Dê di demeke nêz de gelek navendên me li gundên girêdayî bajarên herêma Firatê werin vekirin.”

Piştre deriyê navendê ji aliyê beşdaran ve hat vekirin.