Jinên Reqa, Tebqa, Dêrazor û Minbicê li hemberî dagirkeriyê dengê xwe bilind kirin
Piştî gefên Tirkiyê ji bo ku êrişî herêmên Bakur û Rojhilatê Sûriyê bike, Rêveberiya Jin a herêmên Reqa, Tebqa, Dêrazor û Minbicê di 23`yê Tîrmehê de hemleyeyek bi dirûşmeya Em bûn yek, biserketin, em ê li berxwe bidin ji bo ku biparêzin” dan destpêkirin. Jinên herêmên Bakur û Rojhilatê Sûriyê tev li hemleyê bûn.
Piştî ku artêşa Tirk a dagiker êriş kir, rêveberiyê careke din hemleya xwe di 19`ê Îlonê de bi dirûşmeya Dagirkerî tundî ye bi berxwedana Hevrînê em ê dagirkerî û faşîzmê hilweşînin berdewam kir. Hemle di 18`ê Kanûnê de bidawî bû.
Tevahiya jinên Bakur û Rojhilatê Sûriyê tev li hemleyê bûn û serî li hember artêşa Tirk a dagirker hildan. Her wiha rave kirin ku ew binpêkirinên hovane li herêmên dagirkirî red dikin.
Derbarê hemleyê endama rêveber a Rêveberiya Jin a Reqayê Xelîxe Ebdî got: “Hemle biserket û li hundir û derveyî Sûriyê deng veda. Me hewl da bi rêya çalakiyê hemleyê rûyê rastîn ê dagirkeriyê û timeyên wê di dagirkirina herêmên Bakur û Rojhilatê Sûriyê de derxist holê. Her wiha me ronahî berda ser tundiya li dijî jinê ji hêla dagirkeriyê ve û beriya wê ji hêla çeteyên DAIŞ`ê ve tê kirin.”
Zehîxe Ebdî diyar kir ku jina ereb karî dengê xwe bilind bike, serî li hember tehdîdên Tirkiyê hilde û teqezî li piştgiriya xwe ji Hêzên Sûiya Demokratîk û girêdana bi axa welêt bike.
Di dawiyê de Zelîxa got jin li Bakur û Rojhilatê Sûriyê li aştiyê digere û armanc dike aloziya Sûriyê bi rêya diyaloga sûrî-sûrî çareser bibe.
