Civîna salane ya Kongreya Star a Helebê bi girtina biryaran bi dawî bû
Civîna salane ya Kongreya Star a bajarê Helebê ya taxên Şêxmeqsûd û Eşrefiyê li Hola Efrîn a li herêma Şiqêf di saetên sibehê de destpê kir.
Di civînê de rapora salane ya kongreyê hate xwendin. Bendên raporê yên der barê rewşa rêxistinî, pirsgirêkên ku li pêşiya kar derketin û mekanîzmeya derbaskirina astengiyan de hatin nîqaşkirin. Ji pirsgirêkên ku derketin; zehmetiya qebûlkirina civakî ya ji qanûnên jinan, bi taybet qanûnên girêdayî qedexekirina zewaca di temenê biçûk de û pirkirina hevjînan. Hate destnîşankirin ku ji bo rêgirtina li ber vê yekê pêwîste pêngavên hişyarkirinê werin destpêkirin.
Beşdaran her wiha destnîşan kirin ku pêwîst e, hevkarî bi Komîteya Jinan a Meclisa Malbatên Şehîdan re were pêkanîna da ku xwe bighîne hemû hevjînên şehîdan.
Piştî nîqaşan biryar hatin standin û plansaziya dema pêş hate diyarkirin. Ji biryaran hatin girtin ev in:
-Serdana malbatên şervanên YPG û YPJ‘ê bê kirin.
-Ji bo zarokên bê kes mane, navendek pêşxistinê were vekirin.
-Dewreyên perwerdeyê yên zimanê kurdî û erebî werin vekirin.
-Dewreyên perwerdeyê yên bikaranîna çekan werin vekirin.
-Pêşxistina projeyên aborî.
-Dewreyên fêrkirina computer werin vekirin.
-Serdan û civînên di nava taxê de werin zêdekirin.
Civîn bi dirûşmeyan bi dawî bû.
Di dawiya civînê de beşdaran diyar kir ku ew ê xebatên xwe bidomînin ta azadiya Rêber Abdullah Ocalan û rizgarkirian Bakurê Sûriyê ji dagirkeran misoger bikin.
