Kongra Star Dewreyek Perwerdê a Bi Navê Şehîd Bêrîtan Amed Vekir

20 endam ji herêmên cuda yên bakur-rojhilatê Sûriyeyê beşdarî dewreyê bûn, ku armanca wan pêşxistina zanîna tenduristî û bîrdozî ya jinên ku di beşên tenduristiyê de dixebitin e, bi rêya waneyên teorîk û pratîkî wê rêbazên perwerde dayînê bin.

Tenduristî ne luks e; ew bingeha jiyaneke azad e, Di her civakê de ku ji bo rûmet û azadiyê têdikoşe, tenduristî kevirê bingehîn e ku hêza takekesî û hevgirtina kolektîf li ser wê ava dibe. Tenduristi ne tenê dema ku nexweşî tunebe ye; ew tê wateya şiyana beşdarbûn, berxwedan û lênêrîna hevbeş. bi hêz kirina jinan bi rêya tenduristiyê tevahiya civakê bi hêz dike, ji ber ku laşek saxlem û hişek zana bi hev re bingeha civakekê pêk tînin ku ew civak dikare xwe biparêze, bîra xwe biparêze û bi îradeyek kolektîf bi pirsgirêkên rojane raweste.

Dewreyê bi deqeyek bêdengiyê ji bo giyanên şehîdan dest pê kir, piştre Xezale Hemîd, kordînasyona komîta Tenduristiyê ya Kongra Star, ji bo despêkirina perwerdê û waneya despêkê axavî û bal kişand ser girîngiya perwerdeyê di avakirina civakek saxlem û zana de, ku tê de jin di pozîsyonek pêşeng û zanînê de cih digirin, wê tekez kir ku tenduristî ne tenê mijara dermankirinê ye, lê di heman demê de kiryarek berxwedan û berpirsiyariya kolektîf e. Her wiha bal kişand ser raman û felsefeya Rêber Abdullah Ocalan di warê çandina têgeha tenduristiyê di civakê de, ku ji komun, tax û navçeyan dest pê dike,ku divê bi awayekî rast bê bikaranîn. Xezale her wiha li ser fedakariya şehîdên wekî Heval Bêrîtan Amed û Erin Mirkan û hewldanên ku ji bo serkeftina vê dewreyê divê werin kirin axivî.

wê di dewreya perwerdê de waneyên fikrî û teorîk jî di nav xwe de werin dayîn da ku jin bikaribin jêhatiyên  xwe û rola xwe di avakirina civakek zana û bi tendurit de li pêş bixin.

Bernameya perwerdeyê mijarên jêrîn dihewîne:
– Siyaseta Tenduristiyê
– Paqijî û IV
– Biyolojiya Jin
– Pençera Memikê
– Kêbûna xwînê
– Şekir
– Tansiyona Xwînê
– Alîkariya Yekem
– Peymannameya Kongra Star
– Rastiya Rêbertî
– Şerê Gel ê Şoreşgerî
– Dermanê xwezayî
– Amadekirina Serumê

Ev dewre beşek ji hewldanên Kongra Stare ji bo kurkirina têgeha tenduristiyê wekî mafek kolektîf û stûnek bingehîn ji bo avakirina civatek berxwedêr, haydar û hevgirtî. Hêzdarkirina jinan, hem ji hêla fîzîkî ve û hem jî ji hêla fikrî ve, gavek ber bi civakek xwe bi xwe bi rêve bibe ye.