Di salên 1980an de bi Tevgera Azadiya Kurdistanê û Rêberê Gelê Kurd Abdullah Ocalan re nas kir. Piştî ku li Akademiya Mahsum Korkmaz li Lubnanê perwerde dît, 15 salan li çiyayên Kurdistanê şer kir. Di sala 2003an de vegeriya bajarê xwe yê Rojava û di nav PYDê de di warê civakî de xebitî. Dema ku di sala 2004an de hat hedef girtin, mîrateyek berxwedanê ya kûr li dû xwe hişt.
Mîrata berxwedanê ya ku jinên ku di salên 1980an de li Bakur-rojhilatê Sûriyeyê Tevgera Azadiya Kurdistanê û Rêberê Gelê Kurd Abdullah Ocalan nas kirin li dû xwe hiştin, bingeha Şoreşa Jinan a îroyîn pêk aniye. Yek ji van jinan Şîlan Kobanê ye.
Meyse Baqî (Şîlan Kobanê) di sala 1971an de li gundê Korelî, 25 kîlometre rojavayê Kobanê, ji dayik bûye. Şîlan Kobanê, ku pênc xwişk û çar birayên wê hene, di nav kevneşopî û adetên eşîrî de mezin bûye û di salên 1970an de bi malbata xwe re neçar ma ku biçin Helebê.
Di sala 1980an de, di 9 saliya xwe de, bi rêya kadroyên ku hatin Rojava û bajarên din ên Sûriyeyê, Tevgera Azadiya Kurdistanê kifş kir. Wê eleqeyek mezin nîşanî tevger û ramanên Rêberê Gelê Kurd Abdullah Ocalan da raber kirin. ewê xeyal dikir ku bibe şervanek li gorî ramanên Ocalan.
Piştî ku dibistana navîn qedand, di 14 saliya xwe de, dema ku serdana kampa li Lubnanê kir, wê biryar da ku tevlî PKKê bibe. Lêbelê, ev xewn pêk nehat. Ew li ser sînorê Sûriye-Lubnanê hate girtin û bi qasî du mehan hate girtî ma.
Şîlan Kobanê, ku bi xwezaya xwe ya serhildêr dihat nasîn, ji xebat û hilberînê hez dikir, lê bavê wê rê neda wê ku bixwîne. Di encamê de, wê perwerdehiya xwe bi dizî ji bavê xwe domand, û gava ku serkeftina wê dît, bavê wê piştgirî da perwerdehiya wê. Ji ber ku Kurd bû û bi Erebî baş nizanîbû, ew di dibistana seretayî de rastî astengiyên mezin hat. Lêbelê, wê berdewam kir û bi xebata dijwar bû xwendekarek serkeftî.
Bi derbasbûn demê re , Şîlan Kobanê û hevalên wê dixwestin beşdarî pîrozbahiya Newrozê bibin. Lê belê, dema ku rêveberiya dibistanê destûr neda, wê hevalên xwe organîze kir û dibistan boykot kir. Rejîma Şamê, ji ber helwesta wê ya siyasî aciz bû, ew girt.
Şîlan Kobanê di ciwaniya xwe de ji ber kevneşopiyên civakî û hişmendiya mêrtî bi gelek pirsgirêkan re rû bi rû ma. Wê baweriya xwe bi parastina jinên Kurd li dijî vê hişmendiya mêranî anî û ji bo wê şer kir.
Her ku salname ber bi sala 1981an ve diçe, serdanên endamên PKKê bo mala Şîlan Kobanê zêde dibin. Bi alîkariya wan, ew zimanê xwe yê Kurdî xurt dike û bi dizî fêrî xwendekarên dibistanek li Helebê dike.
Li Helebê, lêgerîna wê ya azadiyê wê dixe bin bandoreke mezin, û ew tevlî xwepêşandanan, komên jinan û komên hunerî dibe. Ew di nav xwendekarên Kurd ên li Efrîn û Helebê de xebata şoreşgerî dike û bi endamên partiyê re beşdarî perwerdehiya îdeolojîk dibe.
Ji bo wergirtina perwerdeyê çend caran serdana Akademiya Mahsun Korkmaz a li Kampa Beqaayê ya Lubnanê kir. Wê pêşî navê kod “Saadet” û di demek kurt de jî “Şilan” hilbijart. Ew li wir li radyoya “Dengê Gerîla” jî xebitî.
Di Tebaxa 1988an de, ew li Helebê tevlî têkoşîna Tevgera Azadiya Kurdistanê bû û bi çar hevalên xwe re ber bi Lubnanê ve çû. Li ser sînorê Sûriye-Lubnanê ji aliyê rayedarên Lubnanê ve hate girtin û du mehan di girtîgeha jinan de ma.
Şilan Kobanê, ku salek li Akademiya Mahsun Korkmaz bi Rêber Ocalan re derbas kir, tevî ciwaniya xwe jî, xwest ku tevlî têkoşîna çekdarî ya li çiyayên Kurdistanê bibe. Lê Rêber Ocalan ji ber temenê wê yê ciwan daxwaza wê red kir. Ji ber vê yekê, wê heta sala 1991an li Heleb û Efrîn xebata civakî da meşandin.
Şîlana Çiyayan
Şîlan Kobanê di destpêka salên 1990î de çû çiyayên Kurdistanê, bi biryardarî îspat kir ku jin dikarin têkoşîna çekdarî bikin û di vê têkoşînê de roleke pêşeng bilîzin. Bi vî ruhî, wê 15 salan li çiyayên Kurdistanê şer kir.
PJKK, ku bi biryara ku di Kongreya 2yemîn a Adara 1999an de hatibû girtin, hate damezrandin, bi damezrandina fermî ya partiya jinan cihê xwe di rêveberiya partiyê de girt. PJKK paşê bi navê PJA xwe birêxistin kir. Şîlan Kobanê di rêveberiya partiyê de cih girt û li wir xebata xwe meşand.
Di sala 2003an de, piştî kongreya Partiya Yekîtiya Demokratîk (PYD) ku li herêma Şehîd Harûn hat lidarxistin, ew wekî endamê Komîteya Navendî ya Partiya Yekîtiya Demokratîk (PYD) hat hilbijartin. Di sala 2004an de vegeriya Rojava, li hemû herêmên Rojava, Sûriye, Heleb û Şamê ma, çalakiyên rêxistinkirina bingehîn pêk anî û zû baweriya gel bi dest xist. Îstîxbarata Sûriyeyê agahî wergirt ku Şîlan Kobanê li Rojava ye û istixbaratê her tişt kir da ku ew li herêmê rehetiya xwe di tevgerîn û xebatê de nestîne . lewra ji bo ku Şîlan xebata partiya yekîtiya demokratîk PYD bide meşandin derbasî Mûsil a li Iraqê bû.
Îstîxbarata Sûriyeyê ajan li cem Şîlan Kobanê danîn da ku li dijî wê komployê pêkbîne. Di 29ê Mijdara 2004an de, dema ku li ser sînorê Iraq-Sûriyê xebat dikir, Şîlan Kobanê û hevalên wê Zekeriya, Ciwan, Fuad û Cemîl bû hedefa êrîşan û bi bêbextî hatin şehîd xistin . hevrê Şîlan û rêhevalên bi wê re li Goristana Şehîd Harûn a li Qendîlê tên veşartin.
