Di serdemeke ku nifşên tên de, di gelek zehmetiyan re derbas dibin mîna şantaja elektronîk , tehdît, xwekuştin, fêrbûna madeyên hişbir , destdirêjî û gelek tiştên bi zerar , roj bi roj di nava ciwana de belav dibin.
Ji ber van diyardeyan pêwîstî bi dayîna semînerên ku hişmendiya ciwanan li hember van diyardeyan li pêş bixe û bi baldar bin heye.
Rêxistina Sara bi taybet herî zêde giringiyê dide van mijaran û li sernaserî bakur û rojhilatê Sûriyê semîneran derbarê têkoşîna li dijî tundiya li ser jinan dide .
Rêxistina Sara li gelek bajaran ofîsên xwe bicih kirin e , ji bajarê Helebê ta Dêrikê xwedî rol e û li gelek kampên bakur û rojhilatê Sûriyê bicih dibin .
Rêxistina Sara ji bo dayîna semîneran dest bi kompanyakê kiriye , kampanya ji bo 17 dibistanên ku xwendekarên amadekarî û navîn dihewîn e , destpêkiriye .
Kampanya ji 23,11 destpêkir û dê di 21, 12 bidawî bibe, îro jî rêveberiya Rêxistina Sara Nisriya Mihemed, Berdevka fermî yê Rêxistina Sara Reşa Derwîş ,endama Komîteya perwerdê Roşîn û endama Komîteya perwerdê Delal Osman, li dibistana Ş. Kerîm (Alzahra) li çar refên keç û xort semîner derbarê têkoşîna li dijî tundiya li ser jinan dan.
Semîner bi boneya 25’ê Mijdarê hate dayî ku naveroka wê çîroka xuşkên Mîrapal hate şîrovekirin , paşê rê û rêbazên tundiyê hate zelalkirin û şîrovekirin , di semînerê de giringiya baldariya ku çawa mirov xwe ji destdirêjiyê ,tundiyê , madeyên hişbir , şantaja elektronîk biparêze hate dayîn .
Herî zêde ji bo xwendekaran baldarî ji bo şantaja elektronîk hate kirin .
Di serdemekê de ku di destê biçûk û mezinan de telefon heye û piranî jî ji bo tiştên bê sûd tê bikaranîn, hin ji ciwana wextê xwe bi tehdîta kesên din derbas dikin.
Ji ber van tehdîtan jî gelek diyardeyên xwekuştinê derdikevin holê .
Rêxistina Sara balkişand ser ku zewaca bi temenê bi çûk ew jî cureyê tundiyê ye herwiha baldarî da xwendkaran ku xwe ji madeyên hişbir û rakirina madeyên kuştinê mîna (Çek,kêr) biparêzin û dûr bikevin .
Di dawiyê de jî tekez kirin ku ên ku van rêbazan bikar bînin ewê bê ceza nemînin û hesa ji wan were xwestin .
Rêxistina Sara di kampaniyê hişyariyê li sernaserî bakur û rojhilatê Sûriyê de dewam dike.
