Tevgera Hîlala zêrîn bi hevkariya Navenda Çand û Hunerê re li bajarê Dirbêsiyê şevbuhêrkeke helbestî û hunerê ji bo piştgiriya Yekîneyên Parastina Jin (YPJ) re organîze kir. Di çalakiya li Parka Şehîd Zevîn a bi diruşma “YPJˊê hebûna me ye” de şênî, endamên saziyên sivîl û meclis amade bûn.
Piştî deqeya rêzgirtinê, Rêvebera Hîlala Zêrîn Şêrîn Reşîd diyar kir ku ew ê piştgiriya YPJˊê bidomînin û destnîşan kir ku YPJˊê di têkoşîna li dijî çeteyên DAIŞˊê de roleke sereke lîst, cih û hêza xwe îsbat kir, li kêleka wê jî ew vîna jinê û têkoşîna wê temsîl dike.
Di çalakiyê de stran û dîlanên folklorîk hatin pêşkêşkirin.
