Emê bi ronahî û hêza Newroz sala 2636 bî îradeyêkî xurt ber bi azadiyê ve bimeşin
Em Newroza 2636’an, cejna yekîtî, azadî, berxwedan û serketinê li Rêber Apo, gelên berxwedêr, jin û ciwanan, karkeran û kedkaran û tekoşêrên ku di çiyayên azad , zindanan de berxwedidin pîroz dikin. Em wê roja berxwedanê li hemû Şehîdên ku bi jiyana xwe agirê newrozê geş kirin da ku rêya me ya tekoşînê ronî bikin piroz dikin û bibîr tînin. Dîsa Em Newrozê li hemû hêzên me wek YPG,YPJ, QSD, Asayiş û HPC û HPC-Jin pîroz dikin. Li ser vî hîmî Newrozê li gelê Bakur û Rojhilatê Suriyê û gelên herêmê pîroz dikin
Roja Newrozê sembola yekitiya gelan li hember zordarî û mêtingeriyê ye û bi vê watayê de destpêka sala nû a serkeftin û azadiyê ye. Newroz mîzgînya serkeftin û serfirazîya yekîtîya tekoşîna gelane. Newroz nuroj û vejîne. Li dijî dehaqên hemdem Fikir û felsefeya Serokatî û avabûna tevgera azadiyê pêvajoyek nu a berxwedanê daye destpêkirin. , bi Şehîd Mazlum Dogan , Zekîye u Rahşanan ku canê xwe zivirandin agirê Newrozê li Kurdistanê û seranserî cihanê sekin, helwest, çand û vîna azadîyê belav buye. Îro agîrê Azadîyê mezîn dibe, fireh dibe. Ev Agir bu jîyan u ronahî. Bu vîn û tekuşîn. Bawerîn wê çanda nemîr a Newrozê îsal derbeyên giran li faşîzme û dagirkeriyê bide. Ji bo hatina sala nu a newrozê hemû kesên ku tekoşîna azadiyê didin meşandin em serkeftinê ji wan re dixwazin û bi îdda ne ku emê bi rihê yekitî û berxwerdanê himberî dehaqên roja me ya îro vê sadsalê bikîn sedsala azadîya jin û jîyanê.
Newroz tê wateya vejînê, hatina demsalekî nu û destpêka sala nû ye. Newroz bi berxwedan û tekoşîna gelan ji bo azadî û demokrasî pekwere mizgînîye. Dîroka gele Kûrd dîroka dijî her cure zilm û zordarîye dîroka berxwedanê ye . Iro jî li her deverê cîhanê li dijî gelê Kûrd, jinan û gelên azadîxwaz êrîşên gelekî mezîn tên meşandin. Pargalên desthilatdar, faşîst, dagirker dijmînê azadîya jinan û gelanin. Lewra ji bo vina gelan û jinan bişkinin êrîşên dijwar didin meşandin.
Lê berxwedana gelê me li her çar aliyên Kurdistanê û seranserê cihanê li hember dagirkeriyê û hemû dijminêyn gelê Kurd carekî din îspat kir ku agirê newrozê a beriya 2636 salan hatîye pêxîstin hîn jî netefiya ye, di dilên me de zindiye . wê bi îrade û tekoşîna me meşalêya azadî, wekhevî, demokrasî dî cîhanê de geş bibe.Agirê Newrozê sembola dîrokî ye û îşareta serhildanê ye, me di Rojava û Bakûr û Rojhilatê Suriyê serhildan veguherand şoreşa jinê û emê bi wê şoreşê Azadî teqez bikin. Newroz wê bibe destpêka qonaxeke nû ya berxwedan û têkoşîn ji bo azadiya gelan û agirê pîroz a Newrozê wê tarîtiya zilm û dagirkeriyê têk bibe.
Wek Kongra Star em Newroza 3636’an bi vê rihê pêşwazî dikin, Emê bi rihê newrozê tekoşîna xwe xurt bikin û bî îradeyêkî xurt ber bi azadiyê ve bimeşin. Emê bi ronahî û hêza Newrozê ve Şoreşa jinê li ser van xakanê ava bikin. Em baş dizanin îro nevîyên deheqan hewildidin ji bo şoreşa gelan û şoreşa jinê bi fetisînê. Lê em ji wek Kongra Star xwedî vîn u azwerînê kû emê têqez bi vîna jina azad li ser xaka walêtê xwe hemu rojan bikin Newroz. Ji bo hemu roj bibin Newroz em bang hemû jinan, gelan û dostan dikin ku agirê pîroz a newrozê geştir bikin da ku em bihevre meşa azadiyê serbixînîn û azadiya fîzîkî a Rêbertî destbixinîn.
Kongra Star
21.Adarê 2024
