Di çarçoveya rêzeçalakiyên ku li bajarên Bakur û Rojhilatê Sûriyeyê ji bo bîranîna Roja Jinên Cîhanê ku di 8ê Adarê de ye, hatin lidarxistin, Kongra Star li bajarên Hesekê, Til Temer û Dirbêsiyê daxuyaniyên cuda weşandin û tevlîbûna xwe ya seferberiya giştî ya li herêmê ragihand, û tekezî li ser berdewamiya têkoşîna ji bo azadiya jinan û parastina destkeftiyên wan di şert û mercên heyî de kir.
Li bajarê Hesekê, li çarxerêya Sebax bi beşdariya jinên ji taxên cuda û endamên Kongra Star civînek hat lidarxistin. Pankart û dirûşmeyên ku giyanê 8ê Adarê nîşan didan hatin bilindkirin.
Daxuyanî bi beşdariya jinên ji bajarê Hesekê û endamên Kongra star li çarxêreya Sebax hate dayîn û ji hêla endama Kongra Star Şikriyê Hisên ve hat xwendin.
Di daxuyaniyê de 8` Adarê li Rêber Abdullah Ocalan û li tevahî jinên cîhanê û Kurdistanê hat pîrozkirin û îşaret bi seferberiya giştî ya ku di 18` Çileya 2026` an de ji hêla Rêveberiya Xweser ve hatibû ragihandin, hat kirin.
Di daxuyaniyê de bi boneya 8` Adarê jî jinan careke din beşdariya xwe ya nava seferberiyê nû kir û wiha hat domandin: ” Em ê tevlî seferberiya giştî ya hatiye ragihandin bibin. Heya azadiya jinan misoger nebe, em dev ji têkoşîna xwe bernadin. Em ê bi rihê jina azad xwe bigihînin tevahî jinan.”
Di dawiya daxuayniyê de wiha gotin: “Ev roj ji bo azadiyê ye. Heya azadiya jinan pêk neyê û jin negêhêjin mafên em terka mafê xwe dikin.”
Daxuyanî bi silogana “Jin Jiyan Azadî ” bi dawî bû.
Til Temira Kantona Cizîrê, li çarxerêya Qendîl a bajar kom bûn, xwe biçek kirin û beşdarî seferberiyê bûn. Rêvebera Kongra Star Sena Tamir axivî û got: “Bi boneya 8’ê Adarê Roja Jinên Cîhanî, rojek ku têkoşîna jinên li çar aliyê cîhanê ji bo azadî, wekhevî û rûmeta mirovan temsîl dike. Em bi peyamekê ji gelê xwe û hemû jinan re rola dîrokî û pêşeng a jinan di avakirina civakek azad û demokratîk de piştrast dikin.”
Sena Tamir bal kişand ser rewşa herêmê ya niha û wiha berdewam kir: “Rewşên hesas ên ku herêma me pê re rû bi rû ye û gefên li ser ewlehî û aramiya gelê me, pêwîst dike ku em hemû bighêjin asta berpirsyariya hevpar. Ji vê perspektîfê, em Kongra Star beşdarbûna xwe ya tevahî di seferberiya giştî de radigihînin. Ji bo parastina destkeftiyên jin û civakê û ji bo rûbirûbûna hemû hewldanên ji bo têkbirina îradeya gelên azad jî, pabend in. Beşdarbûna me di seferberiya giştî de, di vê roja dîrokî de daxuyaniyek zelal e ku îradeya jinan nayê şikandin û dengê jinan dê wekî çirayek azadiyê bimîne, çiqas zext dijwar be jî.”
Sena Tamir soza jinan bi bîr anî û bi van gotinan dawî li axaftina xwe anî: “Em Kongra Star careke din soza xwe nû dikin ku emê têkoşînê bidomînin û bê westan ji bo parastina destkeftiyên xwe û parastina nirxên civakek azad bixebitin.”
Li bajarê Derbasiyê, çalakî li Qada Jinan bi beşdariya jinên ji rêxistin û meclisên civaka sivîl hate lidarxistin. Fatîma Kelaş, rêvebera Kongra Star, daxuyanî xwend.
Daxuyanî bi pîrozkirina jinên li çaraliyê cîhanê û şervanên jin bi vê boneyê dest pê kir, û tekez kir ku 8ê Adarê îrade û têkoşîna jinan ji bo azadî û rûmetê temsîl dike.
Daxuyanî behsa kampanyaya seferberiya giştî ya ku hatibû ragihandin û destpêkirin kir, û destnîşan kir ku jinan hebûn û rola xwe ya pêşeng di wê de nîşan dane, di pêş de rawestiyane.
Tê piştrast kirin ku seferberiya giştî di ronahiya dijwarî û êrîşên berdewam de berdewam dike, û ew ê berdewam bike heya ku çareseriyek dadmend were bidestxistin ku mafan garantî bike û armancên ragihandî pêk bîne.
Daxuyanî tekez kir ku jin dê ji vê rêyê paşve gav neavêjin, lê dê xebat û berxwedanê bidomînin heya ku armancên wan di avakirina Sûriyeyek azad û demokratîk de ku beşdariya tevahî ya jinan di hemî aliyên jiyanê de garantî dike, pêk werin.
Çalakî bi qîrîna dirûşma “Jin, Jiyan, Azadî” bi dawî bû.
