Pêngava “Aştiya bêsînor” bi dawî bû
Meclisa Jinan a Sûriyê îro pêngava xwe ya “Aştiya bêsînor” ya ku 21‘ê Îlonê de bi boneya Roja Aştiya Cîhanê dabû destpêkirin bi dawî kir. Şandeyek Meclisa Jinên Sûriyê serdana Mala Gaziyên Şer a li gundê Hîmo ya bajarê Qamişlo kir, paşê meşeke meseleyî li dar xist.
Jinan gurzên gulan, mûm û alên Meclisa Jinan a Sûriyê hilgirtibûn ji çerxerêya Cotkaran a taxa Enteriyê ber bi Goristana Şehîd Delîl Sarûxan ve meşiya. Li wir deqeyek rêz girtin û dirûşmên dilsoziya bi şehîdan re berz kirin.
Piştre berî dan parka “Drîm Land” a li taxa Erbewiyê û li wir şaniyeke hate lidarxistin.
Koordînasyona Kongreya Star Lîna Bereka axivî û got armanca pêngavê belavkirina aştiyê ye, jin avakar û bangewazên aştiyê ne.
Lîna anî ziman ku wan xwest bi vê pêngavê dengê jinên Sûriyê û azarên ku di şer de kişandine ji cîhanê re ragihînin.
Çalakî bi stranên komên Yekitiya Hunermendan û Tevgera Kevana Zêrîn bi dawî bû.
