Li Til Brak bi diruşmeya “4ê Nîsanê: Ji dayikbûna Heqîqet û Mirovahiyê” semînerek hat li darxistin

Di çarçoveya çalakiyên bi boneya 76’emîn salvegera ji dayikbûna Rêber Abdullah Ocalan ku her sal di 4’ê Nîsanê de tê lidarxistin de, Kongra Star a bajarê Til Brak a kantona hesekê bi diruşmeya “4’ê Nîsanê: Ji dayikbûna Heqîqet û Mirovahiyê” semînerek li dar xist. Di semînerê de jinên bajarok û endamên saziyên sivîl û leşkerî û partiyên siyasî bi berfirehî amade bûn.

Semîner  li salona Şaredariya Tal Brakê hate lidarxistin û li vir bi deqîqeyek rêzgirtina ji bo şehîdan dest pê kir. Piştre Endama Konferansa Star Etab El-Mutlaq li ser têkoşîna Rêber Abdullah Ocalan axivî û bal kişand ser qonaxên girîng ên jiyana wî û xebatên wî yên fikrî û siyasî.

Etab El-Mutlaq di axaftina xwe de bal kişand ser wê yekê ku: “Rojbûna Rêber Abdullah Ocalan ne tenê ji dayikbûna mirovekî ye, lê belê ji dayikbûna doz, şoreş û nêrîneke berfireh a azadiyê ye. Ev yek nîşaneya zayîna hişmendî û rizgariyê ye, bi taybetî ji bo jinan ku di ramana xwe de rêya têgihîştina mafên xwe û bidestxistina cihê xwe di civakê de dîtiye.”

Di berdewamiya axaftina xwe de got, “Di lûtkeya krîzên li Rojhilata Navîn de, Rêber Abdullah Ocalan projeyek ji bo aştî û demokrasiyê pêşniyar kir. Fikrên wî di avakirina hişmendiyeke nû ya li ser bingehê edalet û wekheviyê de roleke bingehîn lîstin, ku ji bo temamkirin û parastina vê projeyê berpirsyariyeke mezin dikeve ser milê me.”

Piþtî axaftinê rêya nîqaşê hate vekirin û li ser girîngiya îdeolojiya azadiya Rêber Abdullah Ocalan û rola jinê ya di pêşxistina civakê de li ser esasê vê îdeolojiyê gelek pirs û mudaxele hatin kirin.

Beşdaran bandora felsefeya Rêbertî li ser jiyana xwe ya rojane, bi taybetî bi têgînên azadî, rêxistinî û nasnameya jin anîn ziman.

semîner bi qîrîna dirûşmên “Bê Serok jiyan nabe” û “Jin, jiyan, azadî” qêriyan bi dawî bû.