Ber Bi Vegereke Nayê Taloq Kirin: Dengê Jinên Efrînî Ji Têkoşînê Ber bi Endezyariya Pêşerojê Ve Diçe

Endama Koordînasyona Kongra Star a Bakur û Rojhilatê Sûriyeyê, Şîraz Hemo, axaftinek vekirinê pêşkêş kir û tê de berxwedana 58 rojan li Efrîn hatbû raber kirin nirxand û got, Ne tişteke hêsane ku herkes di van ropelan de dîrokeke xwe binîvise,lê belê Efrîn bi keç û xortên xwe ,kal ,pîr û zarokên xwe xweve ev dîrok nîvisandin.

Her wiha di axaftina xwe de bal kişand ser berxwedaniya ku li Efrînê hatiye kirin ne tenê di dema kirîza suriyê de ,lê belê ev der xwedî mîrateyeke têkoşîna azadiyê ya bi salan e,her wiha gel xwe bi fikir û felsefeya Rêber Apo bi rêxistin kir û xwe perwerde kir,ji gelê Efrînê gelek kesan çûn û hevdîtin bi Rêbertiyê re pêkanîn,wek tê zanîn ku di rojavayê kurdistanê de bandoreke mezin a hebûna Rêber Apo heye,û em rastiya vê bandorê em di teyisandina wê di şoreşa jin de dibînin.
Şîraz axaftina xwe diyar kir’ku ev gel di berxwedaniya 58 rojan de bi gelek azaran re rû bi rû hat,ku em dikarin bêjin ew berxwedan a serdemê bû bi ser bilndî hat pêşwazî kirin

Her wiha  Nûnera Daîreya Têkiliyên Derve ya Rêveberiya Xweser a Bakur û Rojhilatê Sûriyeyê, Îlham Ehmed, jî nirxandinek pêşkêşî civînê kir û bal kişand ser pêşketinên siyasî yên dawî yên li herêmê, û bal kişand ser zêdebûna xeternak a di navbera Îran û Îsraîlê de, ku piştî salan ji pevçûnên nerasterast ketiye qonaxek rûbirûbûna vekirî. Wê tekez kir ku ev pêşketin nîşana ji nû ve xêzkirina hevsengiya hêzê li Rojhilata Navîn in, û banga pêwîstiya hevgirtinê kir da ku pêşî li dubareya kaosê  bigire.

Di çarçoveyek têkildar de, Ehmed behsa ragihandina agirbestê ya Serokê Dewletên Yekbûyî yên Amerîkayê Donald Trump di navbera Îran û Îsraîlê de kir, ku roja Sêşemê sibehê ket meriyetê. Wê pesnê rola dîplomatîk da ku beşdarî aramkirina zêdebûna aloziyê bû.

Îlham, di axaftina xwe de ya  li ser Efrîn, tekez kir ku vegera welat divê ne xewnek an jî tenê sloganek bimîne, lê divê wekî rêyek pratîkî û sîstematîk were hesibandin. Wê got, “Wekî gelê Efrîn, divê em bi awayekî rêxistinkirî li ser vegerê bifikirin û mijara vegerê bikin mijara rojane ya axaftin û jiyana xwe, da ku netenê xwestekek ku em nîqaş dikin ew bibe rastiyek ku em dijîn.”

Beşdarên civînê biryardariya xwe ya bê şik û guman ji bo vegera bi serkeftinê tacîdareî û serbilindiya xwe a bi axeke weke Efrîn û berdewamiya têkoşînê bi rihekî kolektîf ê bê sekin, tevî hemû zehmetiyan, piştrast kirin.

civîn bi dayîna peyamek bi encamname ku bi devikî ji aliyê endama kordînasyona Kongra Star a Bakur û Rojhilatê Sûriyê Şîraz Hemo ve hat pêşkêş kirin.û tê de li ser benda tifaqên ku di navbera Hêza suriya Demokratî û hikumeta şamê re hatibû tomar kirin ji bo vegera li Efrînê ,divê ev di gotin de nemîne û bikeve meriyetê de .

di dawiya peyamê de hate gotin ku em weke jinên Efrînê ,em di berxwedaniyeke bê hempa de bi israrin ,û ya herî giring jî ewe ku ev veger bi ewlehiyeke mezin were pêkanîn,hem weke gel û civaka Efrînê bi taybetî jî jin bi nasnameya xwe bijîn ,lewra em dibêjin ku emê heya serkeftinê asta têkoşînê bilind bikin .

civîn bidiruşmeya Bê Efrîn Jiyan Nabe.bijî berxwedana Efrînê , Bê Serok Jiyan Nabe ,Jin Jiyan Azadî bi dawî bû.