Cewahir Osman: Komploya navneteweyî ya li dijî Rêber Abdullah Ocalan îradeya gel hedef girt, û însiyatîfa aştiyê tecrîd şikand û rê li ber demokrasiyê vekir.

Cewahir wiha got;em vê salvegerê bi bîr tînin, ku ji bo gelê Kurd û gelên herêmê bi tevahî rastiyek bi êş bû hêjî  dimîne. Em destpêka komploya navneteweyî ya li dijî Rêber Abdullah Ocalan bi bîr tînin, ku di bingeh de komployek li dijî gelên herêmê, bi taybetî gelê Kurd bû, ku demek dirêj e ev gel rastî gelek komployan hatiye. Lêbelê, ev komploya dîrokî ya li dijî Rêber Abdullah Ocalan hatî çêkirin ku çandên kûr, bi taybetî çanda kevnar a gelê Kurd, armanc dikir, li ser axek ku dergûşa şaristaniyên ku li seranserê cîhanê belav bûne, ji holê rake.

Ev komploya qirêj ji dewletên kapîtalîst ên hegemon derket ku dixwestin şoreşa ku ji hêla Rêber Abdullah Ocalan ve tê temsîlkirin bitepisînin, îrade û hebûna gelan biçewisînin, û çandên kûr ên Kurdistan û Rojhilata Navîn ji hole rakin. Ev komplo bi rêbazên ku banga yekdestdariya li ser zîhniyetê û dagirkirina ramanên rizgarker ên ku banga azadiya gelan, jiyanek bi rûmet û azadiya pratîkkirina çandên cihêreng dikin, bi taybetî li herêma Mezopotamyayê, ku dewlemend bi şaristaniyên ku dîroka mirovahiyê şekil dane, tê formulekirin,dikin.

Wan xwest van dengên azad, ku ji hêla Rêber Abdullah Ocalan ve dihatin temsîlkirin, bitepisînin. Ev komplo rasterast  rêya şoreşê û hêza wê ya fikrî kir armanc, ji ber ku vê komployê îradeya ku ji nav civakên ku dixwestin dûrî desthilatdariyê û polîtîkayên zordar ên li dijî gelê Kurd, û bi taybetî li dijî jinan, yên ku ji ber zîhniyeta mêrê serdest gelek êş kişandin, derdiket, û xwest vê hêzê û vînê bitepisîne.

Lê bîrdoziya Rêber Abdullah Ocalan rêgirek bihêz bû li hember vê komployê berxwedana gel bi pêşengiya jinên ku bîrdoziya azadîyê hemez dikir ka ku çawa Rêber Ocalan li hebûna wan digere, pêşengiya wan kir, wan teşwîq kir ku dîrok, xwe, pêşeroja xwe û roja xwe ya îro lêkolîn bikin. Rêbertî bi berdewamî tekez kir ku jin dikarin civakên azad û demokratîk biafirînin. Ku Rêber Apo digot, “Heke hûn dixwazin civakekê nas bikin, li jinên di nav wê de binêrin.” Zanîna jinan a li ser xwe, hebûna xwe û xwebûna xwe ya rastîn rêgirek sereke bû li hember têkbirina vê komployê.

Têkoşîna bêwestan a gel, redkirina wan a dij vê komployê û bêparkirina ku ji hêla dewleta Tirk ve û polîtîkayên ku ew piştgirî dikir – hemî armanc dikir ku rêbertî ji cîhanê, ji şoreşê û ji civakên ku wî bi bîrdoziya xwe ya neteweya demokratîk dixwest rizgar bike, û şaristaniyan, çandan, zimanan û komên etnîkî yên ku bi aştiyane dijîn rizgar bike.

Bi vê komployê, wan xwest ku her tiştê rastîn û heyî biqedînin. Lê Rêber Apo, bi têkoşîna xwe ya li Girava Îmraliyê, bi yekîtîya xwe ya bi îradeya gelê xwe re, bi piştgirîya gel û bi têkoşîna xwe ya bê westan ji bo azadiya , hemî faktorên girîng bûn di rakirina tecrîda li ser kesayeta wî de. Bi îradeya gel, wî di 27ê Sibata 2025an de pêvajoya aştiyê da destpêkirin, ku ev serkeftinek mezin bû li dij vê komployê .

Ev pêvajoya aştiyê ne tenê ji bo Kurdistanê ye, lê ji bo Rojhilata Navîn û tevahiya cîhanê ye. Rêbertî bi banga xwe ya ji bo aştiyê, rêbazên çareserkirina pirsgirêkan bi karanîna çekan û şerê çekdarî bi dawî kir û partiya karkerê kurdistan Pkk fesih kir û destpêkirina qonaxek têkoşîna siyasî, xwest êdî bîrdoziya ji bo ava kirina civakên azad û demokratîk  bi temamî bixe meriyetê da ku civak û gel  bi rûmet bijîn û li dijî polîtîkayên keyfî yên yekdestdarî, dagirkerî û tunekirina nasnameyan, bi taybetî jinan, bi dawî bibe.

Wek jin, em bi vê înîsiyatîfa ku bi pêşengiya Rêbertiyê despêkirin pir serbilind in. Em ê têkoşîna xwe bidomînin da ku Rêber Abdullah Ocalan bi awayekî fîzîkî azad bikin û ramanên wî li hemû jinên cîhanê belav bikin, ji ber ku jinên Kurd ne tenê yên ku ji bin zexta zîhniyeta mêrê serdest dikişînin in. Îro, em dibînin ku ev kaosa cîhanî heye, polîtîkayên ku li ser jinan û li ser îradeya gel, bi taybetî jinan, têne ferzkirin û her cûre zext têne kirin pir li pêş e.

Em ê di pêşengiya vê têkoşîna şoreşgerî de bin û piştgiriyê bidin hemû ramanên ku ji hêla rêber Apo ve ji bo azadî, demokrasî, rûmet û aştiyê têne pêşniyar kirin. Ev qonax ji me hemûyan, wek jin û wek gelên herêmê, daxwaz dike ku em projeya neteweya demokratîk, ku ji bo hemû gelên Sûriyeyê, kuev mozaîka mezin a çand, mezheb û pêkhateyan guncaw e, biparêzin.

Ne rast e ku gelek li ser hesabê gelekî din, zimanek li ser hesabê yekî din, an çandek li ser hesabê yekî din were çewisandin. Rêbertî her dem tekez dike ku projeya Neteweya Demokratîk ji bo hemî gelên Rojhilata Navîn û cîhanê guncaw e, ji ber ku li her erdnîgariyê, gelek çand bi hev re dijîn, û çandek tenê dikare bi polîtîkayên zordar li ser hesabê yekî din geş bibe.

Ev komploya  ji exlaqê dûr ku li dijî Rêbertî pêşket ,rastiya li Kurdistan û Rojhilata Navîn bitepisîne kir arman. Lêbelê, îradeya gel û berxwedana Rêbertî li girtîgeha Îmraliyê ev komplo têk bir. Pêvajoya aştiyê di nav krîz û kaosa siyasî, leşkerî û aborî ya ku cîhan dijî de bû vejînek bihêz .

Bi vê  Înîsiyatîfa Aştiyê, Rêbertî xwest ku herêmê ji van polîtîkayan rizgar bike. Manîfestoya Aştî û Civaka Demokratîk ku  dest pê kir, bingeha berxwedan û têkoşîna şoreşgerî ye ku zêdetir 52  berdewam kiriye ye. Ev bangên ku ji hêla Rêber ve hatine kırın ne tenê ji bo gelên herêmê, lêbelê ji bo tevahiya cîhanê ne; ew nexşerêyek ber bi aştiyê ve temsîl dikin.

Divê em ji bo bidestxistina aştiya ku demek dirêj e tê hêvîkirin bixebitin û têbikoşin, ji ber ku her kes dikare şer bike, lê aştî tenê ji hêla gelên ku bi îrade, biryar û çarenûsa xwe diaxive ve tê çêkirin. Rêber Apo ew kes e ku dikare aştiyê bi ser bixe, ji ber ku pêvajoyên aştiyê ji şeran  dijwartir in.

Ev serdema aştiyê ye. Wekî jin, wekî malbatên şehîdan û wekî gelên herêmê, em ê her gav piştgiriyê bidin her gavek ku Rêber Abdullah Ocalan avêtiye, û em ê heya nefesa dawî ji bo rizgarkirina gelan, çandan û zimanan her wiha ji bo rizgarkirina jinan ji kaosa ku ji hêla pergalên kapîtalîst ve hatî afirandin şer bikin.

Em niha li Akademiya Şehîd Zeynep Saroxan in, xwe li ser Manîfestoya Aştî û Civaka Demokratîk perwerde dikin. Em di her rêzek ku ji hêla Rêber Abdullah Ocalan ve tê gotin de mûcîzeyek ramanî dibînin ku divê  ku di jiyanê de were bicîh kirin, da ku em karibin aştiyek domdar bi dest bixin ku ne demkî be û ne jî bi serdemek taybetî ve girêdayî be.

Xebata ber bi aştiya domdar ve ne hêsan e; ew têkoşîn û hewldanê ji hemî pêkhateyan, partiyên siyasî, partî, tevgerên mirovî û mafên mirovan, û heyanî kesayetiyên cîhanî yên ku ji bo aştiyê hewl didin hewce dike. Daxwaza me ya yekem azadiya fizîkî ya Rêber Abdullah Ocalan e, ji ber ku bi wê em dikarin ber bi aştiyeke bê dawî ve biçin.