Piştî kontrolkirina taxên Şêxmeqsûd û Eşrefiyê ji aliyê Cîhadîstên girêdayî Hikûmeta demikî ya Şamê gelek kesên winda birîndar û şehîd çêbûn.
Fermadarê Hêzên Ewlekariya Hundirîn ya Şêxmeqsûd ê Ziyad Heleb û rêhevalên wî ji bo parastina gel û axa xwe çalakiyên fedayî kirin û ji bo gelê xwe bûn mertal.
Îro di 13’ê Çileya 2026’an de Ziyad Heleb û hevalên wî li goristana şehîd Dicle ya Kobanê bi tevlîbûna sedan kes hatin oxirkirin.
Ji bo xwedîliderketina li şehîd û komkujiyên Şêxmeqsûd û Eşrefiyê li tevahî bakur û rojhilatê Sûriyê Şîn hate raghandin.
Ji bo xwedîliderketina li şehîdan li gelek bajar û bajarokên kantona Qamişlo Gel daketin qadan .
Di saet 11 û nîvan de gel li qada Osman Sebrî kombûn û ber bi navenda çand û hunera Mihemed Şêxo ve herikîn.
Di serî de bi deqeyeke rêzgirtin li ser giyanên şehîdan hate rawestandin.
Herwiha dengê Fermandar Ziyad Heleb ku têde erka berxwedanê û têkoşîna li dijî zilm û zordestiyê diyar dike ji bo besdaran hate guhdarkirin.
Paşê Hevserokê meclisa malbatên Şehîdan yê kantona Cizîrê Mahsûm Hesen axivî û got
Îro em bi şerekî nû yê cîhanî re rû bi rû ne, ku nasname û demografiya herêma me hedef digire û gelên Rojhilata Navîn, bi taybetî gelê Kurd, dixe nav êşên nû. Me sedsalek qurbaniyên mezin kişandin, şehîdên bêhejmar, koçberiya bi darê zorê û hewldanên bênavber ên ji bo jêbirina hebûna xwe.
Lê sedsala nû ya ku em tê de ne dê dirêjkirina neheqiyê be.
Ew dê bibe sedsaleke berxwedan û têkoşînê. Sedsaleke naskirina mafên me yên neteweyî yên dadperwer, ziman û nasnameya me.
Berxwedana bêdawî ya taxên Şêxmeqsûd Eşrefiyê ev biryardariya xwe îspat kir dema ku ew li hember makîneyeke şer a mezin û piştgiriya navneteweyî rawestiyan û teslîmbûn red kirin.
Heval Ziyad û hevalên wî wekî sembola fedakariyê ji bo rûmeta gelê xwe canê xwe dan û berxwedana wan bû çirayek ku rêya me rêber dike.
Ji ber vê yekê, em bang li gelê xwe yê Kurd li hemû beşên welêt dikin yekîtî ne tenê vebijarkek e, lê di vê qonaxa krîtîk de pêdivîyek hebûnî ye.
Divê em ji bo parastina destkeftiyên xwe û gihîştina armancên xwe yên rewa bibin yek.
Her wiha em tekez dikin ku divê em hişyar bin û nekevin nav xefika gotinên mezhebî û etnîkî yên ku ji bo hilweşandina tevna civakî têne pêşve xistin.
Û ji bo xwişk û birayên me yên ji hemû civakên Sûriyeyê, bi taybetî jî ji bo xwişk û birayên me yên Durzî û Elewî, çarenûsa me bi çarenûsa hemû Sûriyeyê ve girêdayî ye. Ji bo komekê rizgarî li ser hesabê komeke din tune. Paşeroja Sûriyeyeke serbixwe û bihêz dê ji hêla kur û keçên wê ve bi hev re were avakirin.
Em bang li we dikin ku hûn bibin yek û li hember hemû hewldanên dûrxistin û înkarkirinê li ber xwe bidin. Paşeroja me di Sûriyeyeke azad û demokratîk de ye, ku rûmeta hemû welatiyên wê tê de were parastin û ji firsendperestî û terorîzmê were paqijkirin.
Em ji hikûmeta dwmikî daxwaz dikin ku Salek piştî damezrandina wê, polîtîkayên kuştin, îşkence û înkarkirina mafan ên ku ji hêla hin aliyan ve têne meşandin, bi armanca diyarkirî ya veguhêz re nakok in. Em daxwaz dikin ku ev pêkanîn tavilê bi dawî bibin û diyalogek neteweyî ya cidî dest pê bikin ku mafên hemî Sûriyan nas bike.
Riya têkoşînê dirêj e, lê şehîdên me bi jiyana xwe ew ronî kirine. Werin em bi hev re, berxwedan, şerkirin û yekîtî, ji bo siberojek ku tê de azadî, rûmet û nasname ji bo her kesî bi dest bikevin, berdewam bikin.
Meş bi silogana bijî berxwedana Asayîş ,Şehîd namirin bidawî bû
