Fereh Abdullah :Divê YPJ`ê Wekî Hêzek Bingehîn Werin Naskirin

Parêzer û çalakvana mafên mirovan a lubnanî Fereh Abdullah piştgiriya xwe ji bo YPJ`ê ragihand

Fereh Abdullah bi rêya nameyekê diyar kir ku beşdariyên şervanên YPJ`ê ne tenê bi aliyê leşkerî ve sînordar e, lê rolek bingehîn ji bo jinan di parastina civakê û têkişîna li dijî terorîzmê de nîşan dane.

Fereh da zanîn ku her hewldanek ji bo paşguhkirina rola YPJ`ê, bi taybet di çarçoveya çareseriyeke siyasî ya siberojê ya Sûriyeyê de tê wateya kêmkirina mafên jinan û têkoşîna wan.

Fereh xwest ku YPJ`ê wekî statuyeke bingehîn a her çarçoveyeke siyasî ya siberojê were naskirin, di heman demê de avahî û nasnameya wan a serbixwe wekî rêxistineke jinan were parastin.

Parêzer Fereh Abdullah diyar kir ku misogerkirina beşdariya jinan di saziyên parastin û ewlehiyê de li gorî prensîbên edalet û wekheviyê mafekî rewa ye.

Fereh Abdullah bang li hemû rêxistinên jinan û mafên mirovan kir ku helwestek zelal bigirin û ji bo misogerkirina beşdariya jinan di hemû pêvajoyên siyasî de, li gorî rola wan a rastîn di avakirina civakek dadperwer de, bixebitin.