Li bajarê Hesekê meşek girseyî hat lidarxistin ku tê de beşdaran azadiya Rêber Abdullah Ocalan û bicihanîna Mafê Hêviyê daxwaz kirin.Meş ji çarxereya Kevokê dest pê kir û bi rêya sereke ya taxa Muftî berdewam kir, di nav sloganan de “Bijî Rêber Ocalan” û “Bê Serok jiyan nabe” hatin berizkirin, heta ku gihîşt çarxereya Şehîd Serhed veguherî mitîng.
Beşdaran alaên ku wêneyên Rêber Ocalan li ser bûn û her wiha pankartên ku li ser wan nivîs bû “Bi felsefeya jin, jiyan, azadî Mafê Hêviyê dê pêk were” hilgirtin.
Piştî deqeyek rêzgirtinê, Şêwermendê Rêveberiya Xweseriya Demokratîk, Hesen Koçer, axivî û got ku ji bo azadiya Rêber Ocalan divê hemû kesên civakê derkevin qadan û tevlî çalakiyan bibin. Wî di gotinên xwe de amaje kir ku di kesayeta Rêber Apo de nirxên civakê û azadiya jinê têne temsîl kirin û her êrîşek li ser wî wek êrîşek li ser nirxên civakê tê dîtin.
Meş bi sloganên ku tê de daxwaza azadiya Rêber Ocalan dihat dubarekirin bi dawî bû.
