Bername bi deqeyek rêzgirtinê ji bo bîranîna şehîdan dest pê kir.
Piştî wê, Rûken Hesekê bi navê Kongra Star a Kantona Hesekê axivî. Wê di axaftina xwe de bal kişand ser şexsiyet û xeta tekoşîna Şehîd Zîlan û got: “Şehîd Zîlan ji bo me xeta jina azad e. Şoreşa Rojava li ser felsefe û xeta Şehîd Zîlan, ya ku li dijî zihniyeta koletiyê radiweste, ava bûye.”
Wê herwiha diyar kir ku xeta Şehîd Zîlan xeta parastin û neqebûlkirina destdirêjiyê li ser îradeya jinê ye, û got ku Şehîd Zîlan jineke zana û pispor bû. Li gorî wê, berpirsiyariya domandina vê xetê li ser milên jinan e.
Di dawiya axaftina xwe de Rûken Hesekê got: “Divê em xeta jina azad esas bigrin. Em azadiya xwe di azadiya fizîkî ya Rêber Apo de dibînin, û Rêber Apo jî azadiya xwe bi azadiya jinê ve girê dide.”
Şevêrk bi pêşkêşkirina çend stranên welatparêz ji aliyê Koma Şehîd Hogir a bajarê Hesekê ve berdewam kir, ku bala beşdaran kişand û bi atmosfera hunerî û bîranînê bi dawî bû.
