Bernameya roja yekemîn a çalakiya konvedanê ya li bajarê Qamişloyê ya ji bo şermezarkirina tecrîda li ser Rêber Abdullah Ocalan û daxwaza azadiya wî ya fîzîkî, bi dawî bû.
Bi sedan şêniyên bajar û gundên Qamişloyê li ber stranên şoreşgerî û tilîliyên dayikan herikîn bin kon.
Endama Însiyatîfa Gel Şemsîxan Gulo axivî, helwesta pêkhateyan û beşdarbûna wan bi heybet di çalakiyê de silav kir. Şemsîxan Gulo got: “Ji bin vî konê bi rûmetê em soz didin em ê çalakî û têkoşînê berdewam bikin heta azadiya fîzîkî ya rêberê mirovahiyê pêk were.”
Piştî dîmenê axaftina endamê Buroya Sedsalê û parêzerê Rêber Abdullah Ocalan Cuneyt Caniş hat pêşandan ku bal kişand ser pergala îşkenceyê ya li Îmraliyê û çalakiya silav kir. Her wiha got: “Têkoşîna gel û helwesta tevahî gelên cîhanê girîng e. her wiha têkoşîna hiqûqî û siyasî wê bi azadiya fîzîkî ya Rêbertî tacîdar bibe.
Bernameya roja yekemîn a çalakiyê bi stranên li ser Rêber Abdullah Ocalan, tilîliyên dayikan û dirûşmên silavkirina berxwedana Îmraliyê bi dawî bû.
Çalakiya konvedanê wê sibe bi meşekê ber bi avahiya Komîseriya Neteweyên Yekbûyî ve bi dawî bibe.
