Zenûbiya Athro: Damezirandina YPJ`ê nameyek ji dijmin re ye
Konferansa damezirandina Yekîneyên Parastina Jin (YPJ), di 2’yê Nîsana 2013’an de li bajarê Dêrikê bi dirûşmeya “Ji bo misogerkirina serkeftina şoreşê xwe di nava YPJ’ê de bi rêxistin bikin” hate lidarxistin û di 4’ê Nîsana heman salê de avakirina YPJ’ê bi awayekî fermî hate ragihandin.
Ji fermandarên Hêzên Parastina Jinên Bêth Nehrên Zenûbiya Athro axivî û salvegera 8`emîn a damezirandina yekîneyên parastinê pîroz kir û got, ev yekîne ji hemû pêkhateyan hatiye avakirin.
Zenûbiya Athro diyar kir ku yekîneye tu cudabûn naxe navbera pêkhateyên Kurd, Ereb û Suryan, ji lew re DAIŞ`ê û artêşa dagirker dikin armanc û hebûna wê hildiweşînin.
Zebûbiya Athro destnîşan kir ku jinên suryanî rola xwe di nava yekîneyan de lîst û ev yek li gotina xwe zêde kir: “Di sala 2015`an de çeteyên DAIŞ`ê ketin gundên asûriyan, jin revandin û şêniyên wê koçber kirin, lê Yekîneyên Parastin Jin parastina jinan kir, li dijî DAIŞ`ê şer kirin û derbên giran li wan dan. “
Zenûbiya Athro diyar kir ku jinên suryanî tev li nava hêzên leşkerî bûn, da ku nehêlin careke komkujî li dijî gelê Suryan û Ermenî çêbibin e û got:”Jinên suryanî hebûna xwe ya leşkerî, siyasî, civakî û aborî ava kir.”
fermandar Zenûbiya Athro bal kişand ser êriş û komkujiyên li dijî jinan û wiha dom da axaftina xwe: “Ev êriş û komkujî ne tiştekî nû ne, di pêvajoya dîrokê de gelek cureyên destdirêjiyê li dijî jinan pêk hatiye, lê îro bi avakirina artêşeke taybet bi jinan nameyek gihand dijminan ku ew hene û tu kes nikare vîna wan tune bike.”
Ji fermandaran Hêzên Parastina Jinên Bêth Nehrên Zenûbiya Athro di dawiyê de bang li hemû jinan kir ku hevgirtina xwe çêkin û cihê xwe di nava Yekîneyên Parastina Jin û Hêzên Parastina Jinên Beth Nehrên de bigirin û li dijî hemû gefan bisekinin.
