Kongra Star: Bêdengî ya NY’ yî ji Aliyê Exlaqî û Qanûnî ve Nayê Qebûlkirin e
Meclîsa Kongra Star bi daxiyaniyekê komkujiyên dewleta Tirk ên li Sirîn, Zirgan û Eyn Îsayê şermezar kir û bang li raya giştî û saziyên navnetewî kir û got: “Armanckirina rasterast a sivîlan sucê şerê, Ev sûc bi bêdengiyeke ne rewa ya navneteweyî û herêmî re didome.
Êrişên dewleta Tirk ên li dijî herêmên Bakur û Rojhilatê Sûriyeyê didomin. Di van êrişan de dewleta Tirk bi dehan komkujiyan pêk anî û tenê di du rojên dawî de 18 welatiyan qetil kir. Di komkujiya ku duh li Sirînê pêk hat de 12 welatî hatin qetilkirin.
Kongra Star teqez kir ku ev tawanên hovane ne bûyerên takekesî û tesadufî ne, lê belê di çarçoveya rêze binpêkirinên sîstematîk ên berdewam ên dewleta Tirkiyeyê de li dijî gelê Sûriyeyê pêk tên, Ev kiriyar li dijî hemû pîvan û peymanên navdewletî, bi taybetî zagonên mirovî yên navnetewî ne.
Di daxuyaniyê de hate gotin, “Armanckirina rasterast a sivîlan, navendên jiyanî û malên ewle, sûcekî şerî yê tam û heqareteke giştî ya li ser wijdana mirovan e ku Ev sûc bi bêdengiyeke ne rewa ya navneteweyî û herêmî re hevdem e ku standardek dualî ya nefret nîşan dide ku dewleta Tirk bêyî ku tu astengî û berpirsyarî nîşan bide, kiryarên xwe yên êrîşkar bidomîne.”
Kongra Star balkişande ser bêdengiya navnetewî ya li dijî komkujiyan û wiha domkir: “Di vê çarçoveyê de em tînîn bîra Neteweyên Yekbûyî, Konseya Ewlekariyê ya NY û hemû rêxistinên mafên mirovan ku bêdengiya wan li hember van tawanan weke beşdariya pêkanîna wan tewanan tê dîtin û êş û azara kesên bê sûc zêde dike û hevkariyeke ku ji aliyê exlaqî û qanûnî ve nayê qebûlkirin e.”
Kongreya Star ji bo rawestandina komkujiyan bang li civaka navneteweyî kir û wiha bi dawî kir “Bilez tevbigere, lêpirsîneke navdewletî ya serbixwe pêk bîne, sizayan li ser Tirkyeyê ferz bike û sivîlan biparêze.”
