Amnê Xidro:Demokratîkbûna Rojhilata Navîn bi azadiya fizîkî ya Rêber Abdullah Ocalan derbas dibe.

Wê tekez kir ku fikra wî banga avakirina aştiyek dadmend li Rojhilata Navîn dike û edalet, wekhevî û naskirina cihêrengiyê dihewîne. Wê tekez kir ku ji bo bidawîkirina şer û pevçûnên li herêmê û avakirina aştiyê, pêwîstiya azadiya Rêber Abdullah Ocalan heye.

Rojhilata Navîn, û bi taybetî jî Sûriye, şahidiya gelek pevçûn û şerên mezhebî û civakî dike. Sedema vê yekê bêparbûna ji demokrasiyê ye, ku beşdariya hemû gel, kom, mezheb û olan garantî dike û mafên wan misoger dike. Bê guman azadiya fîzîkî ya Rêber Abdullah Ocalan wê bandorek girîng li ser çareseriyên dawîn ên ji bo herêmê bike û projeyek demokratîk ava bike ku aştî, edalet û wekheviyê ji bo her kesî pêk tîne.

Li ser bingeha vê prensîbê û baweriya ku aştî tenê bi azadiya Rêber Abdullah Öcalan dikare pêk were, gelek welatên cîhanê beşdarî gelek kampanyayan bûne ji bo azadiya Abdullah Ocalaln, ya herî dawî jî kampanyaya “Ez Dixwazim Rêber Abdullah Öcalan Bibînim” bû ku ji hêla Platforma Azadî û Aştiyê ya Ewropayê (EFFP) ve di destpêka Hezîranê de hatibû destpêkirin. Zimanê diyalogê  di asta herî jorde tê esas girtin.

Di vê çarçoveyê de, û derbarê dîtina Înîsiyatîfa Sûrîyeyî ya ji bo Azadiya Rêber Abdullah Ocalan ji bo kampanyayê û beşdarbûna wan di vê kampanyayê de, berdevka  vê Înîsiyatîfê  li Helebê, Amnê Xidro, got: “bi dîtina me ya ji bo kampanyayê ji têgihîştineke kûr derdikeve holê ku Rêber Abdullah Ocalan damezrînerê projeyek demokratîk e ku armanca wê avakirina aştiyek dadmend li Rojhilata Navîn e. Kampanyaya ‘Ez Dixwazim Bi Rêber Abdullah Ocalan re Hevdîtinê Bikim’ ne tenê daxwazek mirovî û mafên mirovan e, lê belê helwestek siyasî û zanyarî ye ku di nav xwe de çend aliyan dihewîne, ji redkirina girtina zordar bigire heya baweriya bi azadiya mirovan û ku doza wî dozek mirovî û exlaqî ye. Kampanya ji vir derket.”

Wê her wiha got: “Bersiva banga dîrokî ya aştiyê, di demekê de ku ji bo pêşveçûnê gavên cidî hewce dike, pêvajoya aştiyê asteng dike. Wekî gaveke bingehîn ji bo pêşvebirina pêvajoya aştiyê, divê Rêber Abdullah Öcalan were azadkirin, û ev yek rê li ber çareseriyeke siyasî ya dadperwer û berfireh veke.”

Wê destnîşan kir: “Bi saya projeya Rêber Abdullah Ocalan, ku li ser bingeha demokrasî, azadiya jinan û jiyana hevbeş a di navbera gelan de ye, rêyek dikare ji bo diyalog, bidawîanîna şeran û avakirina aramiyê were vekirin. Azadkirina wî dê çareseriyek siyasî ya dadperwer jî pêş bixe û têgeha biratiya di navbera gelan de xurt bike. Projeya rêveberiya xweser modelek demokratîk e wekî alternatîfek ji bo dewleta neteweyî.”

Amîna Xadrou gotinên xwe wiha bi dawî kir: “Em, di Înîsiyatîfa Sûriyeyê ya ji bo Azadiya Rêber Abdullah Ocalan de, bawer dikin ku hevdîtina bi wî re hevdîtinek bi projeyek fikra azad, dîtinek siyasî ji bo çareseriyê û avakirina Rojhilata Navîn a demokratîk e. Tevlîbûna me ya vê kampanyayê helwestek siyasî, exlaqî û ramnwer ye li dijî girtina bi zorê. Ji vir û pê ve, em banga vekirina rêyên cidî ji bo diyalogê, bidestxistina aştiyê û demokratîkkirina Rojhilata Navîn dikin.”