Kongra Star bi boneya salvegera 30‘emîn a şehadeta têkoşer Zîlan (Zeyneb Kinacî) civeke bîranînê li Til Temirê li dar xist.
Kongra Star li avahiya Meclisa Malbatên Şehîdan a bajarê Til Temir çalakiya bîranîna şehîd Zîlan bi rêxistin kir.
Di çalakiyê de endama rêveber a Kongra Star Peyman Efrîn axivî. Di axaftina xwe de behsa têkoşîn û jiyana şehîd Zîlan kir. Her wiha Peyman Efrîn naveroka nameya şehîd Zîlan vegot û behsa şert û mercên sala 1996`an kir.
Di dawiyê de sînevizyon li ser jiyana şehîd Zîlan hat temaşekirin.
Şehîd Zîlan (Zeyneb Kinacî) 10`ê Tebaxê sala 1972`an li gundê Almalî yê girêdayî Melatiya jidayîk bûye. Fakûlteya zanista derûnî li zanîngeha Înono ya Melatiya xwendiye. Sala 1994`an li bajarê Edena yê Tirkiyeyê dest bi xebatê dike û fermî sala 1995 tev li Tevgera Azadiyê bû û derbasî herêma Dêrsimê bû.
6`ê Gulana 1996`an li Şamê hewla hedefkirina Rêber Abdullah Ocalan hate dayîn. Têkoşer Zîlan wekî bersiv li hemberî vê hewldanê di 30‘ê Hezîrana 1996`an de çalakiyek fedaî pêk anî.
