Meş li Qada Jina Azad a Kobanê bi beşdarbuyîna bi hezaran Şêniyên kantona Firatê ve bi vekirina Fîleksên “Em hemû QSD ne”, “QSD rûmeta me ye” û hildana alên QSD`ê û wêneyên şehîdên azadiyê despêkir. Meş bi berzkirina diruşmeyên “Bijî berxwedana QSD`ê” ve gihîşte Qada Şehîd Egîd.
Li ber qada Şehîd Egît meş veguhezî mitîngê, piştî deqeyekê rêz girtinê li ser cangoriyên azadiyê Rêvebirê Meclîsa Leşkerî a Kobanê Îsmaîl Îsmaîl axivî
Îsmaîl Îsmaîl di despêka axaftina xwe de berxwedana şervanên di çeperên şer de ne silav kir û got: “Şervanên di çeperên şer de çi li eniya Bendava Tişrînê, çi li pira Qereqozaqê û gundewarên Minbicê û her wiha li aliyê Girê Spî jî şerekî dijwar dikin. Di wî şerî de şervanên me berxwedaneke dîrokî dinivîsin.”
Endama Koordînasyona Kongra Star a Kantona Firatê Peyman Eloş jî diyar kir ku şervanên QSD, YPG, YPJˈê her tim li hemberî dagirkeriyê tê dikoşin û got: “Şervanên me her tim êrişên dewleta Tirk û çeteyên wê yên hovane têk dibin û li hember wan berxwedaneke dîrokî bi tîpên zêrîn dinivîsin. Em hemû QSD ne, em ê her tim li pişta hêza xwe bin û li dora wan bibin xelek.”
Meş bi dirûşmên “Bijî berxwedana QSD`ê” bi dawî bû.
