li ser esasê biryarên ku di konferansa 3 emîn a meclisa aboriya jin a kongra star ku hatibû girtin ji aliyê Komîteya Aboriya Jinan a Qamişloyê di çarçoveya projeya “Jiyan” de li Dêrikê 3 hezar û 800 darên berhemdar çandin.
Di çarçoveya projeya “Jiyan” de ku Platforma Jina Ekolojîk a Rojava dest pê kiriye ku parastina jîngehê bike ku ev piroje diyarî şehîdên şoreşê hatin kirin, dar li herêma Dêrikê hatin çandin. Diruşam projeyê ew e “Li hember çekên kîmyewî ku hewil didin welatê bikin çolistan û cihê erdhejê, em ê daristanan şînbikin.”
Bi dehan endamên Komîteya Aboriya Jinan a Qamişloyê 3 hezar û 800 darên berhemdar; tirî, hejîr, menga û zeytûn Ii gundê Melamerzê yê li rojhilatê Dêrikê çandin.
Endama rêveber a Komîteya Aboriya Jinan Meyasa Farûq di dema çandina daran de hatina 8′ê Adarê li tevahî jinan pîroz kir û got ew bi çandina van daran hewl didin rûbera keskahiyê li herêmê zêde bikin ku bi şînbûna her darekê wê têde giyana her hevaleke şehîd vejîn bibe .
Di çarçoveya projeya “Jiyan” de rûbera çandina daran 120 donim e. Tê payîn çandina daran heta 4′ê Nîsanê roja Rojbûna Rêber Abdullah Ocalan wê dewam bike.
